Ua aveesea mai le tino maliu o se alii mai le vai ile itu I saute I sisifo o Sini I ni nai itula talu ona faatalitalia lona toe foi ane ile paumatu.Fai mai lipoti ale ala ata7 o lea alii 38 tausaga na agai ane I le vaituloto poo le lake I Mt Annan ao lei taina le lima ile afiafi ananafi peitai e lei toe foi ane lava.
Na logoina leoleo a agai atu ai loa le sailiga ile vai peitai e lei manuia. O le tea laititi o le 8 ile po anapo na faatoa maua ai e le vaega maulu a leoleo lona tino maliu ma o loo faatino nei iai suesuega a leoleo.
Talosaga e leoleo nisi e silafia se faamatalaga ina ia faafesootai ane lo latou ofisa ae ua tulai mai lenei faalavelave I le maea foi o nisi faalavelave ile vaiaso amata o lenei masina . O ananafi na lipotia mai ai le maliu o se tamaitai 40 tausaga ise faalavelave na tulai mai I Park beach I Coffs Harbour ile itu I matu o Niu Sau Uelese.
Fai mai na taumafai nisi e fesoasoani atu iai faapea foi ma leoleo peitai e lei mafai ona faasaoina o ia.
