O se faaiuga o le vaiaso faanoanoa mo se tasi o aiga ina ua tulai mai se faalavelave matuiā i Tufulele Uta.
O le tamā 52 tausaga le matua na iai masalosaloga a lana fanau ua uma lona ola ae na faanatinati lava i le falemai. Peitai a o agai atu ai le taavale a lenei aiga e faamoemoe mo le falemai na tulai mai ai loa se faalavelave ma uma ai le ola o le isi tamā, o se tasi o le pasese.
I ripoti a le Samoa Global na faailoa ai se tasi o le aiga ia Naomi Mavaega le lagona faanoanoa o le aiga ona o lenei faalavelave. Ta’ua e Naomi o le faalavelave e na o le toatasi na fano ai le ola ae semanū e telē atu se faafitauli aua e toaono le latou aiga sa i totonu o le taavale.
O le tamā na maliu i le faalavelave tau taavale o le tuagane o le tina e ana le toalua lea na masalomia na maliu lava i le fale ma taumafai e faanatinati atu i le falemai.
O se taimi faigata mo le aiga ona o le maliliu ai o tagata e toalua e pele ia i latou.
