Ua sau ai ma le talosaga a leoleo i le atunuu sei tautuana le saoasaoa faatapulaa atoa ai ma le ave fuafua i le tulaga o iai luga o le auala.

E 4 faalavelave tau taavale eseese ua ma’umau ai soifua o i latou nei, ma o le amata mai i le afiafi o le Aso Toonai i Whanagarei lea na maliliu ai le toatolu ae manunua le toalua.

I le afiafi lava lea na maliu ai lē sa i luga o lana pasika e latalata i Pukekohe, toatasi i Taupo i le po lava lea o le Aso Toonai ma le isi toatasi i le vaveao ananafi.

Mai le komesina lagolago i tala a le leitio a Niu Sila, Bruce O’Brien o le faigata tele o le mataupu e le o oo le feau i nisi. 

E eseese mai le saoasaoa tele o taavale na lavevea, o le susu o luga o le auala ma suiga o le tau le isi mafuaaga.