O se faanoanoaga le alafa’i mai i lenei taeao i lipoti o le toaono o tagata ua maliliu i luga o le aualatele mai le South faapea le North Island.

O le vaveao analeila pe tusa o le itula e tasi lea e faapea na lavea ai se campervan mulimuli ai mu i Geraldine i Canterbury ma e toatolu tagata ua ma’umau ai soifua.

O le toatolu ua maliliu uma ai o i latou sa i totonu o le campervan.

O le isi toatasi na lavea i le latalata i le itula e 6 i le taeao nei ina ua toe feto’ai lana taavale ma le laau i Dargaville, ma e na o ia sa i totonu o le taavale ua lavea.

O le isi faalavelave e tolu iai na tupu lea i luga o le Waikato Expressway i le tea o le fā i le vaveao nei lava, ma e tusa ma lipoti a leoleo o lea na feto’ai taavale e lua ma o le isi e sese le ituala na alu ai.

O le toalua ua maliliu o avetaavale uma o taavale nei e lua ma o lea na maliliu ai lava i le nofoaga na tupu ai.