O se tina ma se tamaititi ua faamaonia mai ua maliliu ma se isi tamaititi o loo manua i le faalavelave na lavevea ai taavale ma se loli sima i le Hume Highway i le asō.
Fai mai lipoti o le faalavelave na tupu i le te’a o le 11 i Menangle Road, na faamatala e leoleo na o latou taunuu atu i le nofoaga na tupu ai le faalavelave ma iloa ai taavale e lua ua lavevea i le agai atu i le itu i Matu o le alatele.
O le taavale o le SUV na lavevea faatasi ma le loli lea, ma tapunia ai loa ma isi laina o le alatele mai le taimi lea a o faagasolo a latou galuega laveai.
O le taimi nei o loo faaauau pea suesuega ma ua faailoa e leoleo o le a tuuina mai se isi lipoti lata mai pe a mae’a faatino le latou matafaioi.
