Ua iai nei se maliega i le va o nisi o iunivesite aupito tetele e lua i Ausetalia i Saute, o le a tuufaatasia.
O le maliega ua sainia i le va o le University of Adelaide ma le University of South Australia fai mai ua ausia i le mae’a o se taimi umi sa faia ai ni faatalanoaga.
Fai mai le 9News e 500 miliona tupe a le autotogi lafoga o le a inivesi ai e le faigamalo i lenei fuafuaga ae e fai si tele o mea e ao ona faatino a o lei faataunuuina aloaia le maliega i le 2026.
E talitonu iunivesite ia e lua o le tuufaatasia o a la auaunaga o le a maua ai nisi avanoa faigaluega faaopoopo, maua avanoa faaopoopo mo galuega, faaopoopo avanoa mo suesuega ma o le a tele ai foi se faatosina mo tamaiti aoga faavaomalo.
Fai mai la o le maliega o loo faalagolago i se inivesti a le State Government e tusa ma le 445.5 miliona e aofia ai ma le 200 miliona mo se nofoaga tau suesuega ma le 114.5 miliona e faatau ai le fanua mo le nofoaga fou.
E ui i le mau penefiti o loo ta’ua mai pe a faataunuuina le tuufaatasiga lea peitai fai mai le National Union poo le iuni mo tagata faigaluega i aoaoga maualuluga, o loo popole i ona sui auā pe na o le kuata o i latou sa faia iai le suesuega, latou te lagolagoina lenei tuufaatasiga.
