A itiiti mai pe a male 20 atunuu ua malilie ane o le a o latou le toe faatupeina poloketi e faatatau i fossil fuels poo malosiaga e maua mai otaota o laau ma meaola, faataitaiga o le koale,suauu ma le kesi. O se faamatalaga lea a se tasi o sui mai le malo o Peretania ile ofisa faasalalau o le CNN ise maliega ua fuafua e folasia mai I le vaiaso nei.
Pei ona silafia o loo faagasolo le fonotaga a taitai o le lalolagi e faatatau i suiga ma aafiaga ole tau ile lalolagi ma o le lipoti mai le ZB ua taua ai le malilie ane o ia atunuu ina ia faamuta loa lo latou fesoasoani ile faatupeina o tulaga e gaosia ai le coal ma mole taimi muamua o le a faaopopo atu iai ma le kesi ma suauu.
O aafiaga o le faaaogaina o ia ituaiga malosiaga lea e tulituliloa i talanoaga a taitai ole lalolagi ia tuumamaina ai aafiaga ile siosiomaga ma le soifua o tagata. E manatu I latou o loo finau pea mo le faaitiitia o tulaga e aafia ai uiga o le tau, o le umi lava ma tuai ona faatino o se gaioiga o le a atili faigata ai le faafitauli.
