O loo faia nei se feiloaiga a le Palemia o Niu Sila, Chris Hipkins ma le aufaasalalau i Papua Niu Kini.
E na o le 23 itula o loo iai Hipkins i lea atunuu mo le United States Pacific Summit lea o loo lipotia ua fuafua e sainia ai se maliega i le va o Papua ma Amerika e ono avanoa ai le agai ane o vaegaau faaaupegaina a Amerika i Papua i ona ogasami ma le ea.
O le uluai avanoa foi lea o Hipkins e faafesagai ai ma taitai o le Pasefika talu ona filifilia i le tofi Palemia o Niu Sila.
O loo faatulaga e faia foi se feiloaiga a le Palemia ma le Palemia o le Atu Kuki, Mark Brown, le failautusi a le malo tele o Amerika o Antony Blinken ma le Palemia o Initia, Narendra Modi.
Fai mai le Palemia o se avanoa tāua e feiloai ai ma taitai o le Pasefika ma faalautele ai le mafutaga ma Initia, o se mafutaga foi e tāua tele ia Niu Sila.
