O le vaiaso nei o le a asia ai e le Palemia o Niu Sila Antarctica.
O lea ua tapena le faigamalaga a Jacinda Ardern e vaai i suesuega o loo faia e tagata Kiwi i luga o le aisa.
O lea faigamalaga o loo fuafua mai a taeao agai i le Aso Faraile, ma o le a faamanatu ai foi ma le 65 tausaga o le aiga o Niu Sila i le Antarctica poo le Scott Base.
O lea faatoa toe atoa lea o le vaitau o suesuega e faia i Antarctica i le mavae atu ai o le lua tausaga o le faamai.
O se asiasiga foi o le a vaaia ai e le Palemia galuega amata o le toe faaleleia o le Scott Base lea e faapea e tusa ma le $344 miliona lona tau, ma o le a saga faamausali ai suesuega i le lumanai pe ā ma le isi 50 tausaga.
