O le asō e tuua ai e Judith Collins ma Winston Peters le atunuu mo Ausetalia auā fonotaga ma minisita Ausetalia lea ua mae’a faatulaga mo le vaiaso nei.
O le malaga ai o le minisita o le va i fafo o ia foi o le sui Palemia ma le minisita o itu tau puipuiga o le uluai taimi lea ua malaga ai i lalo o le faigamalo fou lea ua iai nei ma i saunoaga a Peters, o ni fonotaga tāua tele.
O le tāua i le va o Isaraelu ma Gaza, o le maliega ua ta’ua o le AUKUS faapea ai ma le tele o mataupu e fesootai i le va nonofo ai o Niu Sila ma Ausetalia lea o le a talanoaina i Ausetalia a o iai Peters ma Collins.
I polokalame o le faigamalaga, o le aso a taeao o loo faamoemoe e faafeiloai aloaia ai i le maota o le Palemene i Melepone sui malaga atu i Niu Sila a o lei o eseese mo fonotaga ma toe taliu mai ai i Niu Sila i le aso lava a taeao.
