Ua fai mai le faifeau ia Brian Tamaki o le a ia suina puleganuu faapea faletusi i le faiga ua faaseseina ai mafaufau o tagata e aofia ai tamaiti e faatatau i faafafine.
Ua sau ai i le ioeina e le ekalesia a le faifeau Destiny Church na o latou valiina paepae le kolosi na lanu o le nuanua, poo le rainbow crossing.
O le puleganuu a Aukilani ma ana faletusi lea ua fuafua le faifeau ma lona faletua, Hannah e ave i le tulafono i le sese o mea e alu agai iai tupe a tagata totogi rates a le aai.
E ese mai la ia Aukilani, o loo faia foi e i latou e mulimuli i le faifeau le mea lava e tasi, e pei ua vaavaai ai nei foi nisi e ave i le tulafono puleganuu a Ueligitone, Gisborne, Rotorua faapea Hastings ma e ave faatasi ai ma a latou faletusi.
Fai mai le faifeau, ua tatau ona faamuta aoaoga sese o loo faaseseina ai tagata i faafafine.
Ae i se tali mai a le pulenuu o Aukilani o Wayne Brown, e na te lagolagoina soo se tasi i totonu o Aukilani ma o le faifeau foi ma tagata o loo mulimuli ia te ia e lē o totogia ni a latou rates ma e lē maimaua iai sona taimi.
Puna o Faamatalaga: Destiny Church leader Brian Tamaki says he’s suing councils, libraries for ‘rainbow-washing’ | Newshub
