Ua vaavaai le ACC poo le taui o faalavelave faafuasei e tuu i luga levies o loo totogi e faatupe ai tagata manunu’a mai faalavelave.
O lea ua tatala le avanoa mo faatalanoaga a o fuafua ai e sii i le silia ma le 7% mo avetaavale, ae silia ma le 4% mo falefaigaluega ma tagata galulue.
Ua ta’ua e le pulega ua alu i luga le to’atele o tagata manunu’a, ma ua faapea foi le tau o togafitiga ma o levies o loo totogi e tagata i le taimi nei ua lē gafatia ai le tau o loo moomia mo faalavelave.
Fai mai le sui o le pulega, Stewart McRobie o lea e i le va o le $1 piliona i le $2 piliona le gau a le ACC.
E ese mai le toe iloilo o levies a le ACC, e iai foi isi fetuuna’iga o loo mafaufau le ACC ua tatau ona faia e pei o le toe faatulaga o taaloga ma faamuta le fesoasoani o loo maua e tagata o loo umia taavale alu i le eletise.
Ae mai le minisita o le taui o faalavelave faafuase’i, Matt Doocey, o le a taga’i lava foi i le avega o le a amo e tagata ta’ito’atasi faapea pisinisi pe afai ae taunuu lenei siitaga.
O lenei fuafuaga o loo faasolo faatalanoaga e faamuta i le aso 9 o Oketopa, ona faatali ai lea i le faai’uga e faia e le malo i le masina o Tesema.
Puna o Faamatalaga: ACC proposes rises in levies to fund future injury costs (1news.co.nz)
