Ina pepese Aleluia ua fanau le tupu! Ua lata mai le aso e faamanatu ai le fanau mai o Iesu, lo tatou Alii Faaola. Le pepe o le Kerisimasi. Amata nei loa le taumafaiga, e faagata i le aso 20 o Tesema. O le a faia le se’i i le aso lava lena i le 10 i le taeao. (faitau manino aiaiga)

Mafai ona iloa mai e le matagaluega faiga faasolitulafono o loo faia i tauvae

August 28, 2023
Niu Sila
Tusia: Salavao Masimino

Ua mafai nei ona maua tagata o loo tatala I tua ae o loo nofo vaavaaia e ala I le feoai ae o loo pipii ai tauvae.

Tala mai lea a le matagaluega o falepuipui I le sau o ripoti o lea o loo faaaoga e nisi o I latou nei e feoai ma tauvae tinfoil e fuai ai tauvae ina ia aua nei iloa nofoaga o loo iai.

I le tausaga e 2016 na faailoa mai ai e le matagaluega o loo galulue I tauvae e le mafai ona aveesea e I latou o loo mataitu I taimi ao tatala ai I tua, ma I totonu foi o lea piriota ua faamauina o le 20 I le 47 tagata solitulafono le iloa poo fea ua o iai.

I nei taumafaiga uma ma suiga fou ina ia mautinoa o loo lelei ma faamoemoeina tauvae nei e faaaoga e su’e ai tagata o loo tatala I tua, e iai lava tagata na faaaogaina tinofoil e aua ai nei ola ma iloa mai e le matagaluega I latou ma ua fai mai ai ma le matagaluega o loo suesueina nei e leoleo.

Ua faamauina le alu I luga o le fuainumera o tagata tauvae o loo tatala I tua ma o loo iai foi tauvae, pei ona sa iai le 495 I le 2017, ao lea ua silia ma le 2300 I le tausaga nei.