Ua lipotia le sologa lelei o faatalanoaga na faia i le va o sui o Amerika ma Iran i Geneva e faatatau i matāupu tau niukilia.
Ua faailoa lea i se lipoti a le BBC e ui e foliga e lē o manino lelei mai le tulaga pe ono tupu ma se taua i le va lea.
O le Minisita o le Va i Fafo a Omani o Badr Albusaidi lea sa avea ma mediator i lea faatalanoaga na ia ta’ua o loo iai foi se isi fuafuaga a itu e lua e toe talanoa foi pe a mae’a feutana’iga i o latou atunuu ma e ono toe faia ia faatalanoaga i Vienna i le vaiaso fou.
Fai mai le Minisita o le Va i Fafo a Iran o Abbase Araghchi sa lelei le faatalanoaga ma e ui e le’i iai se maliega ae o le a toe talanoa foi i le vaiaso fou.
Mo le tele o tausaga sa tuua’ia ai pea e Amerika ma Isaraelu ia Iran o loo latou taumafai e fausia se ‘au’upega niukilia malosi ae faaauau pea ona teena e Iran ia faamatalaga ma o latou ta’ua ai o le latou polokalame faaniukilia e mo faamoemoe filemu.
Puna o Faamatalaga: https://www.bbc.com/news/articles/cvg1vd95nl9o
