O se tasi lenei o vaega tāua o tapenaga a soo se autaaalo o le faatinoina lea o tests poo siaki e silafia ai o loo saogalemu uma sui taaalo a o lei malaga atu i ni taamilosaga i fafo.
Ua faailoa e le Peresitene o le Komiti o Asosi Taaloga a Samoa Pauga Talalelei Pauga i lenei vaega lea e feagai lea ma le Samoa Medical and Antidoping Agency (S.M.A.D.A.).
“O lea faatoa mae’a atu le siaki tele lava sa test ai tatou autaaalo ma e talitonu ua lava tapena ai tatou i lea vaega.
“O le faiga o test ia e mafai ona fai e tatou le voluntary test e faamautinoa ae iai foi le test e faatino e le Antidoping a le Lalolagi o le vaega la na e te te’i lava i le tu mai e faatino lau siaki lea.
“O le faamoemoega ia aua ne’i tapena ai sui taaalo ma ia iloa ai e le o aafia i ni vaega faapea.”
Faailoa e Pauga o nisi o siaki e faatinoina lea i Solomona pe a taunuu le malaga a le ‘au a Samoa.
“O isi taimi e uma taamilosaga ae toe faatino siaki nei o lona uiga e lē iloa lava le taimi e faatino ai.”
