Ua lipotia mai nei e ala i le auala o faasalalauga poo le itulau a le Vaega Faaupufai a le National a Niu Sila, e pei ona tula’i mai i le foe i le ta’ita’iga o le atunuu, le faatū ai o se isi matāti’a fou ma lelei; ina ua mae’a ma le manuia faatalanoaga ma felafolafoa’iga i le maliega ua sainia i le va o Aotearoa ma Initia – o le maliega e sa’oloto ai fefaataua’iga i le va o atunuu e lua.
O lea maliega o le a vaaia ai le tuuitiitia poo le aveese ai foi o lafoga totogi o oloa poo tariffs mai le 95% o oloa faatau atu i totonu o Initia.
Māua i faamatalaga, mai i lea maliega o le a vaaia ai le maualuga o oloa e faatau atu i Initia, e oo atu lava i le $1.1 piliona aga’i le $1.3 piliona i le tausaga le tupe e maua mai ai mo le isi 20 tausaga.
Ta’ua e le malo o le a mafai foi ona fesoasoani atu e faatupula’ia le numera o galuega e maua mai ai ma siitia ai totogi ma faalaua’itele ai avanoa eseese mo pisinisi Niu Sila.
Puna o Faamatalaga: https://www.facebook.com/share/p/1CuNfqEFYY/
