E 5.7 i le fua mafuie le malosi o le mafuie na faalogoina e le faitau afe o tagata i Aotearoa i le taeao analeila.
O le mafuie na lūlū poo le ta o le tolu i le vaveao ma ua faamauina lona loloto i le 146km ma sa ogatotonu tonu i le tusa ma le 65 km i le itu i Matu i Sisifo o le French Pass i le pito i luga o le South Island.
Fai mai le Geonet o mafuie faapea e faalogoina i le tele o vaega o le atunuu ona o le loloto tele ma ua faamauina sa faalogoina mai Whangarei i Ashburton e ui o loo faamauina o se mafuie vaivai.
E le o iai ni lipoti o ni mea na faaleagaina.
