Lūlū le mafui’e 5.8 le malosi i Vitoria

E 5.8 I le fua mafuie le malosi o le mafuie na lulu I le setete o Vitoria I le aso poo le ta o le 11 taimi Niu Sila. Ua lipotia mai na pauu ma faaleagaina ai nisi o mea mai nisi o fale I Melepone. Fai mai le GeoScience Australia o le ogatotonu tonu o le mafuie sa iai lea I Mansfield tusa lea ma le 10 kilomita I le itu I matu I sasae o Melepone.

E le o iai ni lapataiga mo se galulolo ae ua faailoa e nisi o tagata Niu Sila o loo aumau I Melepne oe ese foi lagona I lea taimi aemaise ai o loo feagai le setete ma faiga solo tetee e pei ona molimauina I le amataga o lenei vaiaso a I latou e faigaluega I galuega faa kamuta.

Lipotia foi e oo atu I Geelong na faalogoina ai le lulu o le mafuie aemaise foi I le maota o le Palemene I Canberra. Fai mai le vaega o feagai ma fesoasoani faavavave le SES o loo iai valaau mai tagata I vaega eseese o le setete mo se fesoasoani ma o loo faia nei le galuega mo le siakiina o me aua faaleagaina.

Lipotia foi e nisi na faalogoina foi le mafuie I le toeitiiti afe kilomita mai Melepone, tusa lea o le Central Coast I Niu Sau Uelese. Ua taua foi e nisi I luga o le social media sa faalogoina foi le mafuie I Sini ma isi pitonuu lalata ane.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required