Ua tuuina atu le lu’i a le sa avea ma Peresitene o le Faamasinoga o Fanua ma Suafa ia Fepuleai Atilla Ropati i le faamasinoga i le faateaina o ia mai le tofiga.
O le vaiaso nei na tolaulau ai i le Faamasinoga Maualuga lea mataupu ma toe tolopo ai mo le lua vaiaso seia talanoa atu itu ia latou loia o loo tutulai ai.
O le Afioga Fepuleai na tofia ai ma Peresitene ia Iulai o le tausaga 2016, ae o le tausaga ua mavae lea na faamalolo tumau ai mai lona tofiga o le Peresitene e pei ona ua filifilia nei iai Lesatele Rapi Vaai i lea tofiga.
