E lua vaiaso le umi o le suesuega a le komisi o galuega a le Malo i le Ofisa Sili o pulega o le matagaluega o alamanuia pisinisi ma leipa ma se tasi o ana ofisa sili lagolago lea ua faamalolo lē tumau i se faaiuga a le Kapeneta.
Ua faailoa e le Taitaifono o le Komisi le susuga Nonu Lemauga Saleimoa Vaai ina ua maua se avanoa e fesiligia ai, o le suesuega o loo lima taitaiina i le finagalo o le Kapeneta i le lē usitaia o le faaiuga e taofi le toe auina o ni tagata faigaluega faavaitaimi i le masina o Ianuari, ae sei faia le iloiloga a le komiti faapitoa a le Kapeneta.
Le taitaifono o le komisi o galuega a le Malo le susuga Nonu Lemauga Saleimoa Vaai.
O le amataga o le vaiaso nei i se faaiuga a le Kapeneta na faamalolo lē tumau ai le faauluuluga o le Matagaluega o Alamanuia Pisinisi ma Leipa le susuga Pulotu Lyndon Chu Ling, ma le ofisa sili lagolago o le vaega o galuega faavaitaimi i totonu o lea matagaluega a le Malo, le afioga Tofilau Mathew Alesana.
