Lua malaga faaiuga o le vaiaso, fitu aso e nofoesea i le fale

O le faaiuga o le vaiaso e taunuu ai se malaga mai Fiti ma Niu Sila ma na fesiligia ai le sui faatonusili ma le taitaifono o le komiti o faalavelave faafuasei i le fetuunaiga ua iai nei o le fitu aso e faanofoesea ai i aiga pasese e maua ia latou suega pe a taunuu i le malae vaalele e lē o aafia i le siama, ma pasese e maua i suega o loo nofo ai le siama o le faama’i. 

Ua faamauina nei i le lipoti o le fitu aso talu ai mai le Aso Gafua na te’a nei e oo mai i le Aso Sa na faamanatu ai le Aso o Tina, ua to’a 23 tagata i lo tatou atunuu ua maliliu i le faama’i Koviti-19.

O se tamā matua 84 tausaga o le soifua e lei faia ni ona tuipuipui o le faama’i na maliu i le Aso Toonai na te’a nei. O le fitu foi aso ua tuanai seia pa’ia mai le Aso Sa ua mavae atu nei na faamauina ai le tasi le afe ma le 14 tagata ua maua i le faama’i. E lē o iai se isi vairusi o le Koviti-19 o aafia ai Samoa i le taimi nei seia vagana le BA1 o le omicron e pei ona faailoa mai e le sui faatonu sili o le soifua maloloina le afioga Tagaloa Dr Robert Thompsen.

O puipuiga o tuaoi faavaomalo o loo ave pea iai le faamuamua i le naunautaiga ia mata’itu pea le ono sao mai o se isi variant o le faama’i e pei ona lipotia nisi o ia vairusi ua ulufale i Ausetalia ma Niu Sila, lea o loo malaga mai ai nisi ua toe foi mai i Samoa.

Scroll to Top

Keep uptodate with Radio Samoa activity & promotion

* indicates required