E lua foi isi pamu penisini i Aukilani na gaoia i le po anapo ma o loo suesue e leoleo ia mataupu uma e lua.
O le isi osofaiga na faia i le pamu penisini a le Caltex i Remuera na logoina ai leoleo poo le ‘afa o le 11 i le po anapo.
Fai mai e toafā ni alii na ulufale i le pamu lea poo le tea o le 11, faaleaga se faamalama o le pamu ma ulufale ai, gaoia oloa mai le nofoaga ma agai ese ai i se taavale lanu meamata na o ane ai.
Na maua mulimuli ane e leoleo le taavale lea ua tia’i i se nofoaga lata ane.
O le isi osofaiga o se pamu a le Z Energy i Green Bay i le tea o le 6 i le taeao nei.
Na aafia ai se tagata faigaluega i ni manu’aga e lē tigaina tele ina ua faaoolima iai le augaoi.
Na sosola ese foi i se taavale na maua ua lafoai i Craigavon Park.
Ua faatalia se lipoti lata mai a leoleo i faalavelave uma ia e lua.
