O le amataga o le vaiaso asau i le Aso Gafua o le a faia ai le lotu masani a le matagaluega o faamasinoga ma le faafoeina o mataupu tau faamasinoga, e talosia ai galuega o lenei tausaga fou.
O lea sauniga lotu o le a auai alii ma tamaitai faamasino e lē gata o le faamasinoga faaitumalo, faamasinoga maualuga, ae faapea foi i le faamasinoga o fanua ma suafa.
O le a auai foi le aufaigaluega a le matagaluega i ona vaega eseese, ae faapea foi i le vasega o alii ma tamaitai loia o sui o le sosaiete a loia i Samoa.
O le Aso Gafua 29 o Ianuari pe a mae’a le sauniga lotu faapitoa, o le a toe amata ai ona valaau mataupu eseese mo le iloiloina e le faamasinoga i tulaga masani, a o lei faia malologa o le Kerisimasi ma le Tausaga Fou.
