Ua avea le tulaga lua o le tamaitai o Haylani i le Tausala o le Kelope, ua faalototeleina ai, e na te mafai ona tauva i le Tausala o le Lalolagi poo o le Miss Earth.
O le feiloaiga a Kuruppu ma le autusitala na ia faaalia manino ai afai ae toe taliu mai i Samoa le pule o le Vodafone le kamuapni o loo lagolagoina ia, o le a faatalanoa le auai i le tauvaga o le Miss Earth.
Faaalia e Kuruppu o le tuavaga o le kelope e tutusa lelei matafaioi a le tulaga muamua ma le tulaga lua, ma o la tiute o le malaga i atunuu e faalauiloa ai le tauvaga.
Na fesiligia e le autusitala Kuruppu i le tāua o le tauvaga na auai atu ai, ma le unaia o le tamaoaiga o le atunuu, ae na ia faaalia, o le tele o atunuu o le a malaga ai, o le a faalauiloa ai ma Samoa, mo le tausala lava ia o le Kelope e silia i le 3 miliona tagata na matamata i faasalalauga o le tauvaga.
Na faaalia foi e lea tamaitai, lona manaoga ina ia iai se tausaga e talimao ai Samoa, pe a fua i le vave ona faalauiloa o Cambodia i le lalolagi ina ua taimalo i le tauvaga.
O se manatu na lagolagoina e le sui o le Vodafone.
E iai le faamoemoe e malaga Kuruppu i Initia mo le faatinoga o ona tiute faatausala o le kelope a Samoa.
