Search
Photo Credit: Solomon Islands 2023 Pacific Games

Lona tolu Samoa i le faasologa o Pine Auro i Taaloga a le Pasefika

E oo mai i le asō, o lea ua vave le a’e a Samoa, i le apefa’i o le faasologa o atunuu ma a latou pine auro, mai taaloga a le Pasefika, le Pacific Games lea o loo faagasolo i le atunuu o Solomona i le taimi nei.

O le taimi nei o lea ua 8 pine auro a Samoa, e 6 pine auro na maua mai le au siisii uamea mamafa, tasi le pine auro mai le taaloga o le tenisi lea na maua e le tamaitai o Elenor Shuster, ma le pine auro na manumalo ai le tamaitai o Olivia Borg mai le taaloga o le aau, i le vaega o le 100m Butterfly).

O le aofaiga o pine ua maua e le Team Samoa e 11. Pine Auro (8), Pine Silvia (1), Pine Apamemea (2).

O le taimi nei o loo tulaga muamua New Caledonia i pine auro e 17 ma le aofaiga o pine e 46; o loo tulaga lua Ausetalia i pine auro e 11 ma le aofaiga o pine e 21, sosoo ai loa Samoa i pine auro e 8 ma le aofaiga o pine e 11.

O le aso 19 Novema lea na tatala aloaia ai nei taaloga ma o lea faatoa fā aso talu ona amata faagasolo faagatama taitasi ae ua tulai mai se tulaga lelei le ‘au a Samoa.

Mo pine auro e 6 a le ausiisii uamea mamafa, e 3 pine auro ua maua e le alii o John Tafi, men’s 73kg Snatch, 73kg Clean n Jerk, ma le tuufaatasiga o ‘ai ma faatū ai le matati’a fou i Taaloga a le Pasefika.

O isi pine auro e 3 a le ausiisii na manumaloina e le alii o Vaipapa Nevo Ioane, men’s 67kg Snatch, 67kg Clean n Jerk, ma le tuufaatasiga o ‘ai.

O le pine siliva e tasi na maua e le ‘au aau a alii (swimming 4 X 100m Freestyle Relay).

O pine apamemea e lua na maua mai le alii o Derek Su’a i le taaloga o le Judo Heavyweight 100 kg+, i se taimi mulimuli ona faamautinoa lea o le isi pine apamemea na maua.

I le vaega o le Lakapi Liki 9s a alii, o le a sue ai e le ‘au a Samoa ma Fiti le pine auro ma le pine siliva, ina ua malolo ai Tonga ia Samoa ae mo le aulakapi liki a tamaitai o le a sue ai e le ‘au a Samoa ma Fiti le pine apamemea ma le tulaga tolu ma le fā o lea taaloga.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required