E ese foi le vaaiga ua iai Melepone i le asō ina ua sao atu le tatafe a nisi o vaitafe i magaala tuloto o faaitu e lalata i le aai i Melepone ma lolovaia uma ai ia pitonuu.
Fai mai lipoti o nisi vaega o le setete o Vitoria ua faamauina i totonu o le 24 itula talu ai se vaega tele o timuga na pau i totonu o le piliota lea ua tutusa ai ma le suavai timu e masani ona pau i totonu o se masina i ia faaitu.
Ua fautuaina tagata e agai i nofoaga maualuluga ma e foliga o faaitu i le itu i Matu o le setete lea o loo matele ina aafia.
I le itu i Saute o le setete sa fautuaina ai tagata i le tatafe o le Maribyrnong River lea sa maitauina i ata mai le televise ua lilo uma ai le tele o auala i le suavai ma o loo fautuaina tagata e faatupulaia pea ona siitia ona o loo iai pea lapataiga o timuga.
Ua iai tagata ua avesea mai o latou fale mo puipuiga lava o le saogalemu ma isi ua fautuaina e saili nofoaga saogalemu e agai iai.
