E foliga mai o le lockdown o le Aotea College a Porirua i le aso ananafi na mafua mai i se message poo se feau mai se tamaititi na ia faia ni taufaamata’u i le aoga. 

O le tina o se tamaititi aoga mai Aotea College na ia faamatala i le Herald o lana tama na ia faamatala le toatele o leoleo ma taavale a leoleo na agai atu i le mataupu lea.

E talitonu le tina lea o nisi tamaiti laiti ua fefefe ina ua faatonuina le aoga e lockdown ma le agai atu o leoleo.

Fai mai lea tina na te lagona o loo saogalemu tamaiti.

Ua tulai mai lenei tulaga a o feagai ai aoga ma suega, o le aso ananafi na sue ai le NZQA Level 1 o le musika, accounting ma le history ma mo le aoga lea ua tusia i le latou upega tafailagi o loo tapunia le aoga i le aso ananafi ae siaki e tamaiti aoga le toe fetuuna’iga o a latou suega pe a mae’a le lockdown.

Fai mai leoleo o loo iai i le aoga mo suesuega ina ua maua atu se lipoti o faamatau mao loo galulue ai nei.