Ua valaaulia le Peresetene o Ukraine Volodymyr Zelensky e saunoa i le Palemene o Niu Sila.
O loo lipotia e le RNZ o loo malamalama e iai fetuunaiga o loo faia mo Zelensky ina ia saunoa i le Palemene e faaaoga ai le video link, saunoa ai i faipule.
E tele nisi Palemene ua saunoa ai Zelensky i atunuu o le lalolagi talu ona osofai e Rusia Ukraine ia Fepuari.
Afai ae taunuu lea fuafuaga o le a avea ai o ia ma taitai lona lua o se atunuu mai fafo e faia sana saunoaga i le Palemene a Niu Sila.
O le tamaitai sa Palemia ia Ausetalia talu ai o Julia Gillard o ia le uluai taitai na saunoa i le Palemene o Niu Sila i le 2011.
O le masina o Iuni na valaaulia mai ai foi le Palemia Jacinda Ardern e asia Ukraine peitai e lei taliaina ona o nisi o luitau sa feagai i lea vaitau.
E na o le minisita o le puipuiga a Niu Sila Peeni Henare lea na asia Kyiv i le vaiaso talu ai.
