O se lipoti lata mai o le faalavelave ua lipotia mai le matafaga i le Coromandel ua faailoa ai e iai popolega o loo iai tagata o loo tau sailia pea i le sami ma le a itiiti mai, e toatasi le tagata o loo iai i se tulaga tigaina i luga o le matafaga.
Na faamatala e se tasi o molimau o loo ai nei i lea nofoaga i le NZ Herald, e toalima pe toaono tagata sa aofia i le faalavelave lea ma faafaigata ona agai ese mai ma le sami poo le ta o le 12, o nisi ua mafai ona laveaiina ma aveese atu i le matafaga ae o loo tau sailia pea nisi.
Fai mai o se tasi tamā matua sa faatino iai galuega laveai pe ā ma le 40 minute peitai e foliga e lei manuia ia taumafaiga.
Pe ā ma le lima vaalele helicopters o loo fesoasoani i galuega laveai ae poo le ‘afa o le 11 i le taeao analeila na maua ai e leoleo se valaau mo se fesoasoani mo ni tagata ua faigata ona agai ese mai ma le sami i le matafaga lea o loo iai i Opoutere i le Coromandel Peninsula.
O loo faatalia nei se isi lipoti mai leoleo.
