Fai mai o le taeao analeila na amata matauina ai e tagata le faaletonu i le auaunaga a le Centrelink i luga o upega tafailagi ma e aofia ai le atunuu atoa.
O lipoti ia mai le 7News i le asō ua faailoa ai lea tulaga ma sa muai maitauina e nisi le faaletonu lea i le upega tafailagi i le taeao analeila ma ua faailoa e 69 pasene o tagata na faailoa o le upega tafailagi lea e faaletonu e ui fai mai isi o le app.
O loo lipotia foi e nisi ua aafia ai le maua o a latou peimeni mai le Centrelink ma ua faailoa foi e nisi faletupe o loo iai se faatuai o le faagaioia o peimeni mai le Centrelink ma o loo faia nei iai suesuega.
O loo faatalia se faamatalaga aloaia mai le Services Australia e tusa o lea faaletonu.
O le Centrelink o le ofisa lea o le malo o Ausetalia e faagaioi mai ai peimeni o penefiti ma tupe e agavaa ai tagata mai le malo.
