covid cases in NSW

Lipoti o le koviti mai setete o Ausetalia o loo aafia tele ile faama’i

I lipoti o le koviti mai setete o Ausetalia o loo faifaitetele ai le pepesi o le faamai ua faamauina mai ai ile aso I Niu Sau Uelese lava ia e toa 46 le au maliliu mai le koviiti. Ua faamauina foi e 25,168 tagata ua aafia foi ile koviti 19 I totonu o le 24 itula talu ai.

O loo ua faamauina foi ua oo atu I le 1024 tagata ua maumau soifua ona o le faamai I totonu o le setete ae silia ma le kuata o lea fuainumera na aafia soifua ile lua vaiaso ua tuanai lea na oo atu ai I le toa 324 tagata maliliu.

Mai le aofaiga lea e 46 e toatasi le tagata ua maea ona faia uma tui puipui e tolu , 29 oi latou ia ua maea ona faia tui uma e lua, toalua tagata ua faia le uluai tui ma le toa 14 e lei faia ni tui puipui.

Ua faamaonia mai foi e le ofisa sili o le soifua maloloina I Niu Sau Uelese, Dr Chant, o le toa 24 oi latou ia e iai tulaga tau le soifua maloloina na aafia ai foi eaofia ai faaletonu I le fatu, gasegase o le suka, mama, fatuga’o, ma isi e aafia I le kanesa ma isi faaletonu tau le soifua maloloina.

I Kuiniselani ile aso e toa 13 tagata maliliu ma le 16,031 o tagata ua aafia. I Tasmania ua faamauina ile aso le uluai tagata ua maliu ile koviti talu mai le 2020, o se tina 90 tausaga e lei faia se tui puipui ma sa aumau i nofoaga mo tagata matutua i Hobart. E 866 tagata aafia ile faamai ile 24itula talu ai.

I Vitoria ua faamauina ai tagata e 18,167 ua aafia I le 24itula talu ai ma le toa 20 o tagata maliliu.

Ioe Michael Crawford i ona moliaga

Ua ioeina e se alii mai Aukilani i Saute lona moliaga o le auai i se soligatulafono na o atu ai I se taavale ma tafana atu i fale o ni aiga i totonu o le lima aso O le

Scroll to Top

Keep uptodate with Radio Samoa activity & promotion

* indicates required