Ua faamaonia mai e 6,440 i latou ua faamaonia le aafia i le koviti i le atunuu i totonu o le 24 itula ua tuana’i. Fai mai le matagaluega e 704 tagata gasegase o le koviti o loo faataotolia i falema’i ma o se faaitiitiga e 34 ua eseese ai ma le numera na iai ananafi. E to’a 11 o loo i potu tigaina.
Ua faamauina foi e to’a 28 tagata maliliu e iai sootaga i le Koviti-19 e mātele lava i le aumatutua e amata atu i le poo le ta’i 40 tausaga aga’i i luga. E to’a 16 le itupa o tamaitai ma le to’a 12 o le itupa o alii.
Ua faamauina foi e to’a 270 i latou ua faamaonia le aafia i le koviti mai tuaoi o le atunuu ae o le aofai o tagata o loo aafia i le faama’i i le taimi nei i le atunuu atoa e 44,462.
