A o iai pea Aukilani i lana poloaiga o faalavelave faafuasei, o se otootoga lenei o asiasiga ma lipoti ua iai nei.
O le lipoti mai le Civil Defence i le itula talu ai, o loo tumau pea lapataiga mo tagata Aukilani e faaletonu le tau i totonu o le 24 itula o muamua ma e tatau ona tapena mo isi lologa o loo agai mai.
E le gata i Aukilani ae faapea foi Northland ma Coromandel, ma o Coromandel ma Northland o lea foi ua lapatai i timuga mamafa ma faititili malolosi.
O lea foi ua lapatai tagata feoai e tapena ona e ono aafia feoaiga e faaaoga ai le Habour Bridge i le aoauli nei ona o savili malolosi.
- E silia ma le 78 fale ua le mafai nei ona toe nofoia poo ua red stickers
- E 319 fale ua pipii ai le sticker lanu samasama ma le isi e latalata i le 400 fale ua sticker lanu paepae
- E 5,000 fale ua faaleagaina
- Faitau selau taavale tatoso ese mai na mamau ona o lologa, ma o le tele o ia taavale ua faaleagaina e le vai
- O le asō ua toe a’e ai galuega mo le toatele i le mae’a ai o le long weekend, ma ua sau le fautuaga e galulue mai le fale pe a mafai
- O lea ua sau foi ma le isi lapataiga i lalo o le moli lanu mumu mai le asō, ma ua toe lapataia ai i le aafia o femalagaa’iga faapea le tele o le laau toulu e aafia ai auala
- O malaevaalele faavaomalo faapea feoaiga i totonu lava ia o Niu Sila, o lea ua toe tatala peitai o loo tau faasoa lava avanoa o le toatele na aafia a latou faigamalaga ona o le tapunia o le malaevaalele faavaomalo
- Mo tagata o loo nonofo i nofoaga sulufai ua tapena, e 82 i latou na iai i nofoaga e 3 anapo e pei ona faamaonia mai i le lipoti o le taeao nei.
