I se lipoti aupito lata mai o le taua i Iran ua faailoa ai e le CNN o nisi o sui sinia o Iran ua fasiotia i le taua ma ua faamaonia ai foi o se tasi o i latou ia o Ali Larijani, o ia lea sa faauluulu iai le faiga o faai’uga i Tehran ma sa faalauiloa i se taimi e le’i mamao atu e Isaraelu le tulaga lea ae o lea la ua faamaonia ane foi e Iran lava latou.
O le isi ua ta’ua ua fasiotia foi, o le tagata sa faauluulu iai le vaega faamiliteli a Iran le paramilitary force.
I Amerika ua faailoa e Trump i ana paaga poo allies e foliga ua tatau ona toe tomanatu Amerika i le avea ai o ia ma sui o le NATO, aemaise le faitio o Trump i le lē fesoasoani ane o ana paaga ia i le taua aemaise lava i le matāupu e faatatau i le Strait of Hormuz.
Ua lipotia foi le faamavae o se tasi o sui sinia o se tasi o vaega a Amerika, le Counter Terrorism Intelligence, ona ua ia ta’ua ua lē mafai ona ia faaauau le lagolagoina pea o le taua i Iran, fai mai Trump o se tulaga lelei foi le faamavae ane o lea sui sinia.
O loo faia pea osofa’iga a Amerika ma Isaraelu, Iran ae to’alua foi tagata ua lipotia ua maliliu i ‘au’upega fana mamao a Iran na osofa’ia ai le ogatotonu o Isaraelu.
Puna o Faamatalaga: https://edition.cnn.com/world/live-news/iran-war-us-israel-trump-03-17-26
