I le lipoti aupito lata mai ua tuuina mai e le matagaluega o le soifua maloloina i le asō e uiga i le koviti ua faamauina ai e 14,311 isi tagata ua aafia i totonu o Niu Sila i le faamai i le vaiaso talu ai.
E amata mai le piliota lea i le Aso Gafua 10 o Oketopa seia faamuta i le aso ananafi 16 o Oketopa ma ua maua nei faamaumauga i le mae’a ai o le lipoti na agiga i le vaiaso talu ai ua oo mai i Niu Sila le isi subvariant o le omicron lea e faaigoa o le BQ1.1.
E oo mai i le vaeluaga o le po anapo ua faamauina e 185 gasegase o le koviti o loo taofia i falemai ma le toalua i potu tigaina.
Ua faamauina foi e 34 isi tagata ua maliliu e iai sootaga i le Koviti-19.
