O se pepa o faamaumauga mai le Pulega a Aukilani ua liki atu i le ofisa faasalalau o le Stuff ua iloa ai nisi o faamatalaga e faatatau i le pulenuu fou o Aukilani, Wayne Brown.
O ia faamatalaga e foliga mai o loo aofia ai nisi o appointments o le ofisa o le pulenuu ma o loo aofia ai foi ma faamatalaga ua ta’ua ai le lē filiflia o lē sa feagai ma le campaign a Brown, i se tofiga maualuga.
I faamatalaga lava mai lea lipoti ua ta’ua ai o Tim Hurdle lea o loo avea nei ma sui faaulu o le ofisa sili poo le taitai sinia lea i tofiga i le ofisa o le pulenuu ae o lona toalua o Jacinda Lean o le a avea ma sui deputy chief of staff.
O le faauluuluga o le vaega o faiga faavae ma fesootaiga ua filifilia iai Matthew Hoon, ae o le pule o le campaign a Brown o Ben Thomas ma le isi o Chris Matthews ua faatulaga nei o laua o faufautua tau polokiki.
O Max Hardy ua tofia foi o se faufautua e ui o loo faigaluega mo se ofisa loia o loo fautuaina foi le pulenuu. Ua ta’ua mai ua faaaoga e le alii pulenuu lenei uluai vaiaso e faia ai fonotaga taitoatasi ma sui o le council.
