A o alu i luga tului totogi faapea ai ma le tau o fale i le tele o vaega o Niu Sila, o Southland le vaega aupito i taugofie.
O Southland lea ua sau i faatusatusaga e $100 e taugofie ai fale mautotogi poo fale rent faatusa i isi vaega o Niu Sila.
Tuu mai foi i le maketi o fale faatau, o Southland foi lea e taugofie ai lava.
I molimau a se tasi o sui o le pulega a le Trade Me Gavin Lloyd i tala a le 1News, e ese foi le maketi o fale i le Southland latou faatusa i le sapalai ma le manao o tagata i isi vaega o Niu Sila ma o le mafuaaga lea o le taugofie.
E le o faigofie le taugata o le soifuaga, alu i luga tau o fale ma le tele o pili totogi ma o le masina foi lenei ua tolu iai masina sosoo o faamauina le alualu pea i luga o le tau e totogi mo fale rent.
