O le vevesi a nisi o fanau a’oga i le taulaga i le amataga o lenei vaiaso, e leai se ola ma se soifua na fano ai, ae o le tama a’oga o le Kolisi o Maluafou na faamanu’alia i se faaoolima lea sa ave i le falema’i o loo manuia.

O le tala lea mai leoleo a o faagasolo ai su’esu’ega e saili le mafuaaga o le vevesi, ae o ai foi ni fanau a Kolisi o Sagato Iosefo ma Maluafou na lotolotoi ai.

O lea vevesi ua ave ai se tuualalo i luga o upega tafailagi a se tasi o tama tuai o Sagato Iosefo, le susuga Laauli Leuatea Poalataivao Fosi Schmidt i alo ma fanau o lea kolisi ina ia taofi nei loa ia amio lē pulea.

Susuga Laauli Leuatea Polataivao Fosi Schmidt o se tasi o tama tuai o le Kolisi o Sagato Iosefo ae o se Minisita o le Kapeneta.