O le faailoa e le Palemia talu ai nei o se fuafuaga e teuteu ai le tulafono fa’avae ona o atugaluga i le ofi mai o ni Ekalesia e lē Kerisiano ua fa’aalia ai e le ta’ita’i o le Vaega faaupufai e Puipuia Aiā Tatau o Tagata o lo’o agaia le Malo, e a o i le Palemia ona silafia e leai se numera o nofoa o le Palemene o umia e le faigamalo a le Faatuatua i le Atua Samoa ua Tasi e mafai ai ona pāsia e le Palemene ni suiga o le Fa’avae.
I se finagalo tusitusia o le ta’ita’i o le itu agai, le susuga Tuilaepa Lupesoliai Sailele Malielegaoi o loo ia faamanatu ai i le palemia susuga Laaulialemalietoa Leuatea Poalataivao Fosi, ua mae’a ona aiaia i le Fa’avae le talitonuga Kerisiano e fa’avae ai le Malo o Samoa, ae o loo aiaia ai foi i le vaega 11 ma le saolotoga o lotu ma talitonuga faapea le saolotoga o tagata e filifilia ai i lana tapua’iga.
O le faatūina o se ofisa o le Malo o Samoa i totonu o le a’ai o Ierusalema i le atunuu o Isaraelu, ua faailoa e Tuilaepa o se atunuu e lē Kerisiano ma o le toatele o tagata Iutaia e lē talitonu ia Iesu Keriso.
O le faamanatu a le ta’ita’i o le itu agai i le Palemia ma le Malo faamuamua le tuuitiitia o fualaau ma vailaau mo le togafitiga o gasegase, ma saili se fofo i le faaletonu o le ola ma le motusia o le eletise.
