Search
Muliagatele Brian Lima - Manu Samoa 7s Head Coach
Muliagatele Brian Lima - Manu Samoa 7s Head Coach. Photo by Samoa Global News

Leai se moni o tuua’iga a Elijah Niko..Lakapi Samoa

Ua fautuaina e le pulega o le Lakapi Samoa le susuga Elijah Niko, e faaleo ona atugaluga i auala talafeagai e pei o le pulega o le aulakapi taitoafitu, le pulega o le Lakapi Samoa poo le asosi o tagata taaalo lakapi le players association auā o le auala lea e avanoa ai pulega lelei e faaleo atu ai ni mataupu o loo fia maua iai se malamalama.

O le tali mai a le pulega o le Lakapi i atugaluga ua faaleo e lea tama taalo lakapi o le autaitoafitu a le Manu Samoa, ua faaalia ai e sese ma lē sa’o tuua’iga ua ia faia e pei ona ia faasalalau i le fesootaiga televavave le api o foliga.

O le tuua’iga e faapea ua taofiofi avanoa e taaalo ai i konekarate i fafo nisi o tama lakapi ua faaalia e le lakapi Samoa e leai so latou silafia i ni tulaga faapea, ma e leai foi se tasi o aafia sona avanoa pe a maua se konekarate i fafo.

O le itu i faamanuiaga o alauni ma tupe maua ua faailoa foi e le pulega o le lakapi i le atunuu tupe o loo maua e tama taalo, faapea faamanuiaga e maua i taimi o se taamilosaga.

O alauni e maua e tama lakapi e toa sefulufa e filifilia mo se taamilosaga e tasi le afe tala tupe Niu Sila poo le tasi le afe faselau tala Samoa i le taamilosaga.

O tuua’iga foi i le itu i taumafa, ua faaalia i le pepa o faasalalauga mai le Lakapi Samoa e tapena uma lava ‘aiga e tolu i le aso ae lē faatagaina tama lakapi ona taumamafa i ni meaai e lē faatagaina poo fast food, e mafua ona o le tausia o tulafono i le malosi o le tino auā le sauni ai i taaloga.

O se ata video na pueina e Elijah o se tasi o le pulega o le autaitoafitu i se malaga tau i lea sui poo se personal trip, ua faailoa e le Lakapi Samoa le faanoanoa tele i le faia o lea tulaga ma fesiligia ai le faamoemoe na mafua ai ona faia lea gaioiga.

Tala sili ona faitaulia

SAMOA UPDATE

TALA FOU MAI SAMOA

Tapunia lala a le ASB 

E 5 lala o le faletupe a le ASB o lea ua tapunia.  O lala i Mangere Bridge i Aukilani, Milford, Wellsford, Waiuku ma Willis

Toaono na pue e leoleo ona o tapaa

E toaono alii mai Vitoria lea ua feta’ua’ina le molia i le asō ona o le taumafai e aumai faasolitulafono sikaleti ma tapaa e miliona

Keep uptodate with Radio Samoa activity & promotion

* indicates required