E ono iai suiga i faigamalaga a vaalele i lenei taimi pisi ona o le tala ua sau nei i le faaletonu o le uta suauu na aumai.
O le po o le Aso Lua o le vaiaso nei na logo ai e le kamupani a le Z Energy kamupani vaalele e faasoasoa lelei ma teu malu suauu i vaiaso a sau ona ua le aoga le uta na aumai ai suauu nei mo vaalele lea e le i taliaina i le nofoaga o loo taunuu mai ai le suauu i Marsden Point Terminal.
Ua sau ai foi ma le tala e na o le 75% le tele o le suauu o le a mafai ona maua mai mai le malaevaalele a Aukilani ma mai le faatonusili o le Board of Airline Representatives Cath O’Brien e moomia le faasoasoa ma teu malu lelei.
E le o se taimi lelei lea ua tupu mai ai pe a fua i le toatele o pasese feoai i le Kerisimasi aemaise ai o tafaoga a aiga.
E tuufaatasia tala fou e lei manino mai se tala poo suiga mai kamupani vaalele ae poo a faigamalaga o le a aafia ai.
Ae i faigamalaga mo vaiaso o i luma, o lea ua matuai tutumu uma ma mai ofisa malaga o loo taofia avanoa o tagata femalagai, pe fai mai lava e tasi le faigamalaga e le taunuu – o le matuai tele lava o le galuega ona e le i lalo mai o le 300 pasese e toe tau fetuunai.
O le itu faigata o le lē iloa poo a faigamalaga e toe fetuunai iai ona o lea ua tutumu uma.
O lea e le o toe faamamaina i le nofoaga sa taunuu tasi mai ai vaa suauu mai fafo i Marden Point suauu o loo aumai, ma ua sau ai ma le valaau ua tatau ona toe silasila iai le malo e patino lava i suauu mo vaalele.
Ae mai le palemia Jacinda Ardern i tagata femalagai, aua le popole e taunuu lava le Kerisimasi.
