Faitau sefulu miliona tupe ua totogi e le malo i tagata fai taavale Tesla, ma o lea ua sau le tala o le a faia le suiga.

O le fesoasoani lea a le malo poo le clean car rebates e unaia ai le faatau o taavale e saogalemu mo le siosiomaga, peitai i lipoti ua toe faalauiloa mai e foliga o tagata fai Tesla lea e tusa ma le $75,000 poo le Model 3 lea na tele ina toe manuia ai.

O se fuafuaga foi na faia o se isi alagatupe tauala mai i lafoga a o totogi ai e taavale e maualuga le aafia o le siosiomaga mai kasa leaga.

Peitai o le tala faanoanoa, e na o le $62.8 miliona lea na sau i totonu ae silia ma le $95 miliona lea na totogi i subsidies poo tagata nei na faatau taavale e agavaa i lalo o lea faamanuiaga.

O se $33 miliona gau, ma o lea e faapea e tutusa lea ma tupe na toe totogiina atu mo taavale Tesla na faatau.

E tusa ai o lipoti a le Newshub, o lea ua agai le malo e faia suiga tele ma e foliga mai o le a taumafai ia faapaleni le tau o loo totogi ma le tupe toe maua mai i subsidies.

Ae i molimau a nisi, o le maimauga o tupe, e le gata i le au faifaatoaga o loo tigaina e totogi lafoga ona o taavale tetele o loo o latou faaaogaina mo faatoaga, faapea ai ma lē sa sili ai ona fesoasoani i tagata o loo matuai moomia le sui o taavale.