O le a faimalaga fua tagata feoa’i ma i latou e fiafia i taaloga i le faai’uga o le vaiaso nei i Sini ae iai ma le faamatalaga o le mataupu i le va o le faigamalo a le Setete ma le Iuni o tagata faigaluega i galuega ia e ono tula’i ai foi ni fetuuna’iga i faigamalaga.

Ua lipotia o loo iai sā a sui o Iuni ua faia i le auaunaga ina ua lē ausia se tulaga lelei o feutana’iga na faia i le va o le faigamalo a NSW ma le iuni, le rail, tram and bus union i le amataga o le vaiaso.

Na folafola e le minisita o Fela’ua’iga a Niu Sa Uelese o Joe Hayden, o faigamalaga uma i taaloga o finals i Sini i le faai’uga o le vaiaso nei o le a malaga fua ai tagata aemaise i soo se vaega o le aai.

Ua fautuaina la tagata femalagaa’i ina ia silafia e ono iai ni faatuai i faigamalaga e mafua mai i solo tetee mai le Iuni.

Puna o Faamatalaga: https://www.9news.com.au/national/free-rail-travel-across-sydney-on-weekend-amid-industrial-dispute/54b807ed-9567-426a-9db2-2f528188a384