O le The Warehouse e taugofie ai lava le tau o loo ia faatauina ai le Weet-Bix, peitai o lea o le a lē toe sapalaiina iai e le Sanitarium ma ua lē fiafia ai le faleoloa tele.
E amata atu i le aso a taeao o lea o le a amata faaitiitia le sapalai o Weet-Bix e tuuina atu i le Warehouse, ma o lona uiga o le a na o supamaketi e maua tasi ai poo faleoloa nei e taugata atu le tau o loo latou faatauina ai.
O le Warehouse na ia amata faatauina mai le Weet-Bix i le 2021 peitai o nai vaiaso e lei mamao atu na logoina ai o le a ia lē toe faatauina lea oloa i tagata lautele ona o le utiuti o le sapalai.
E lē o se faiga tutusa i lagona o le pulega a le Warehouse ona o lea ua momotu ese lava na o i latou, ae pe faafefea isi faleoloa la foi latou te faatauina le Weet-Bix.
I faatusatusaga online, o le Warehouse o loo ia faatauina le pusa Weet-Bix i le na o le $6, $7 le PaknSave ma le Countdown ae $9 i le New World.
O le faaseā a le Warehouse i le faaiuga a le Sanitarium, o lea ua iloilo foi e le Komisi o Pisinisi.
