Ua lipotia le lē sologa lelei o le facial recognition technology lea sa faataitaia.
O faamatalaga ua lipotia i le Identity Check System ua faailoa ai o se taumafaiga lea sa faia ina ia faamaonia ai e tagata Niu Sila tagata o loo latou fesootai i luga o upega tafailagi aemaise o le maua o avanoa i auaunaga lautele ma isi.
Ua faailoa i le asō e manaomia le toe faia o nisi siaki faaopoopo ina ua lē manuia le tusa ma le 45 pasene o le taimi na faia ai isi faataitaiga.
O loo iai fesili e lē o mafai ona taliina i le taimi nei i le faaaogāina o lea faiga fou.
O se tasi lenei o vaega o le taumafaiga a le malo o loo faaalu ai se vaegatupe tele e faitau miliona ma ua faatinoina i lalo o se tulafono sa pasia i le amataga o lenei tausaga ma le faamoemoe e amata faaaogāina ia Iulai o le tausaga fou 2024.
O le a faatulaga ai ma tulafono ma aiaiga e fesoasoani ai i tagata ma pisinisi e faamaonia o latou tagata i luga o upega tafailagi ina ia mafai ai ona faaaogā nisi o auaunaga o loo faatino ai i lea faiga.
Pe ā ma le 70 miliona o loo ta’ua e faaalu ai i lea fuafuaga.
