Ua lipotia i le One News i le aso le lē auai atu o le alii e 22 tausaga o loo tuu’aia i le maliu o Thomas Coombes i Mt Albert i le faamasinoga ona ua ta’ua e lē o manuia.
Fai mai leoleo i lea lipoti na maua e se tasi o le atunuu le tinomaliu o sea alii i le Roy Clements Treeway i le afiafi o le Aso Lua talu ai, o se nofoaga e lē mamao ese ma nisi o aoga i Aukilani. E lei talosagaina se tatala i tua o lē ua molia ae o le aso 15 o Iuni e toe tulai ai i le faamasinoga maualuga i Aukilani.
Faamatala e le aiga o si alii ua maliu o se tagata taalo e alofa i lona aiga ma to’atele ana uo ma sa savali ane mai le iunivesite o loo aoga ai agai i lona aiga ae osofaia ai e le tagata. O le faasalaga aupito maualuga mo le fasioti tagata o le soloatoa i le falepuipui.
