Tokyo Olympic

Lē mautinoa le auai o Samoa i taaloga Olimipeka

O au taalo a Samoa ua tele masina o fai  a latou tapenaga e ala i tolegiga aua lava taaloga tetele o le Olimipeka le ao le a fai i Tokyo i Iapani peitai o le avanoa i le auai atu o sui a Samoa e le’o mautinoa lava.

Taua e le Faauluuluga o le au a Samoa Nynette Sass “o le taimi nei e leo mautinoa le auai atu o sui taalo a le atunuu talu ai le tapunia o alavaa ma faigamalaga i le lalolagi ma ua vave lava le taofia ai o soo se malaga pe a faalogo atu ua tulai mai se faalavelave faatatau i le Koviti19”

E tele faafitauli o loo feagai nei ma le au taaalo a Samoa aemaise lava o le taumafai ai i se auala e malaga ai le au o loo i Samoa i Tokyo.

Taua e Nynette “ua maea ona fai pepa malaga mo sui o le au a Samoa o loo i Niu Sila ma Ausetalia peitia o leo mautino lava pe mafai ona malaga i ia taaloga.”

Na ia taua foi “talu ai o le tele o tagata aafia i Ausetalia faatasi ai le Lockdown ua fautuaina i latou o le taimi e mafai ai ona omai i tua tagata o loo nofo esea mai puipuiga o le Koviti o le aso mulimuli lea ae tuua Ausetalia mo Iapani i le aso e sosoo ai ae afai ae umi le lockdown a Ausetalia o lona uiga e lē mafai ona malaga soo se tasi o loo i totonu o lea atunuu” O nisi ia o luitau o loo feagai nei ma le au a le atunuu.

O taaloga Olimipeka na tolopo mai i le tausaga na tea nei mo le tausaga nei peitai afai ae faaauau pea le pepesi o le koviti o lona uiga e i’u na le faataunuuina foi.

Taua e Nynette “afai ae le faataunuuina taaloga olimipeka i le taimi nei o lona uia e le taunuu lava, ma e lagona le alofa i le au taaalo peitai e faamuamua lava le saogalemu.

O le aofai o le au taalo ua mautinoa  avanoa e taaalo ai i nei taaloga a o loo i totonu o Samoa e to’atolu le au sisii uamea mamafa ma le au fusu e to’alua.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required