Ua le manuia le finau a le alii o Eli Bob Sauni Epiha i le faamasinoga o apili ina ia faaitiitia lona faasalaga faafalepuipui i le faalavelave na tafana ai leoleo e toalua na maliu ai le isi ae faamanualia le isi.
Na tuuina ane ai e le faamasinoga le faasalaga e 27 tausaga i le falepuipui pe a itiiti mai ma na toe apili e Epiha peitai e le o taliaina.
O lea alii 26 tausaga ua faamaonia le fasioti tagata i le faalavelave lea i le 2020 i West Auckland.
O se tasi lenei o faasalaga aupito umi ua tuuina i se isi i totonu o Niu Sila.
