Ua lē malie le Pulenuu o Aukilani, Wayne Brown i le silia ma le $263,000 lea na toe faaleleia ai sitepu sima i le matafaga lauiloa a Milford Beach i North Shore.
O se tupe tele i le silasila a le Pulenuu ma ua fai mai ai, ua atagia mai ai le lē lelei ona su’esu’e ma faia faai’uga.
E faapea o le $256,000 o lea na faaalu i sitepu e 4 o le aofa’i e 7, ma o lona uiga e tusa lea ma le $9,142 i le sitepu e tasi.
Ta’utino ai le Pulenuu o lea ua uma ona ia faailoa i le puleganuu a Aukilani e tatau ona iloilo mae’ae’a le tau o poloketi ma e lē tatau foi ona toe tupu.
O lea foi ua faatonuina e le Pulenuu le Pule Sili o le puleganuu e tatau ona faatalanoa tupe faaalu a o lei amata fuafuaga o galuega.
Fai mai Brown, o le naunauta’iga ia lelei ona faasoa tupe a tagata totogi lafoga a Aukilani i poloketi fai.
Puna o Faamatalaga: Auckland Mayor Wayne Brown mocks cost of new Milford Beach stairs (1news.co.nz)
