Ua le mafai ona taalo se tasi alii faamoemoeina a le Blues a Niu Sa Uelese i le uluai taaloga o le State of Origin i le vaiaso nei ona o manu’aga.
O le centre le alii o Latrell Mitchell lea ua faailoa mai i lipoti aupito lata mai ua le mafai ona aofia i le filifiliga o le ‘au ona o manu’aga ma o le a sui tulaga iai le alii o Stephen Crichton.
Fai mai se faamatalaga mai le Blues o manu’aga o Latrell mai toleniga ma ua lipotia i le ABC, sa faamaonia i scans sa faia.
E lei malaga la Latrell faatasi ma le ‘au i Adelaide i le asō ona o le tulaga lea.
O le tausaga foi na tea nei na misi atoa ai e Latrell le series atoa o taaloga ia ona o manu’aga foi ae sa lauina lona igoa i le ‘au filifilia mo le uluai taaloga lea i Adelaide lea ua faatulaga mo le Adelaide Oval i le Aso Lulu o le vaiaso nei.
